ဖေါ်ချိုးပေါ်ပျူလာမဖြစ်စီဖို့ (၅) အဆုံးသတ်

ဗမာမြန်မာနိုင်ငံအတွင်း လက်နက်ကိုင်တော်လှန်တိုက်ပွဲဝင်နီကတ်တေ အမျိုးသားလူမျိုး (၇) မျိုးထဲမှာ ကျောင်းသားတပ်မတော်ဆိုလို့ ရခိုင်လူမျိုးတမျိုးတည်းမှာရာ ဟိပါရေ။ တခြားလူမျိုး (၆) မှာ လူငယ်အဖွဲ့စည်းရာ အသီးသီး ဟိကတ်ပါရေ။ ယကေလေ့ လူငယ်တပ်မတော်ထူထောင်ကတ်စွာကိုက မတွိရပါ။ နိုင်ငံရေးပိုင်းမှာ၊ သဘာဝပါတ်ဝန်းကျင်ပိုင်းမှာ၊ လူအခွင့်ရေးပိုင်းမှာ ဇောက်ချလုပ်ကတ်စွာကို တွိရပါရေ။ ASDF ကို အားကျပြီးကေ ရခိုင်ကျောင်းသားလူငယ်တိလေ့ တပ်မတော်ထူထောင်ပြီးကေ ပေါ်ပျူလာတော်လှန်ရေးစင်မြင့်ကို ချိပ်တက်ခကတ်တေ။ အေကုထက်ထိအောင် ချိပ်တက်နီကတ်တေ။ ကျောင်းသားအများစုအကြောင်းပြချက်က ဂြာအိုကျတိနန့် အလုပ်မဖြစ်ပျာ။ စိတ်သစ်၊ လူသစ်၊ အတွေးခေါ်အသစ်တိနန့် တော်လှန်ရေးအသစ်တခုကို ထူထောင်ဖို့ ငါရို့ကျောင်းသားလူငယ်တိမှာ တာဝန်ဟိရေလို့ ခံယူကတ်စွာကို တွိရရေ။ အေတွေးခေါ်ကိုက ညီးညွတ်ရေးကို ဦးတည်နီစွာ မဟုတ်။ တစင်ထောင်စနစ်ဖက်ကို ဦးတည်နီရေလို့ ပြောကေ ကွက်တိမှန်လီဖို့ ထင်ပါရေ။


အနောက်ဖက်စစ်မျက်နှာမှာ အားကျဖို့ကောင်းရေ လူမျိုးတမျိုးဟိပါရေ။ ချင်းလူမျိုးပင် ဖြစ်ပါရေ။ ချင်းတော်လှန်ရေးပင် ဖြစ်ပါရေ။ ချင်းကျောင်းသားလူငယ်တိ ၈၈ အရေးခြင်းမှာထွက်လာကတ်တေ။ ချင်းကျောင်းသားတပ်မတော်ကို မထူထောင်ခဘဲ၊ CNF မှာ တစုတည်းဝိုင်းရံလားကတ်တေ။ ဘာသာစကား၊ အုပ်စုပေါင်း ရာနီပါးကွဲနီကတ်ကေလေ့ အများနားလည်ရေ မေဇူးစကားကိုသုံးလို့၊ သို့မဟုတ် ဗမာမြန်မာစကားကိုသုံးလို့ တပ်မတော်တခုတည်းဖြစ်အောင် ကြိုးစားကတ်တေ။ မသင့်လို့ တပ်ထဲကထွက်ဖို့ကျကေလေ့ လက်နက်ကိုပြန်အပ်ထားခပြီးကေ မြို့ထက်ကိုတက်လာကတ်တေ။ ကျောင်းသားအဖွဲ့စည်း ထူထောင်ရေ၊ နိုင်ငံရေးအဖွဲ့စည်းတိ ထူထောင်ကတ်တေ။ လူအခွင့်ရေးအဖွဲ့စည်းတိ ထူထောင်ကတ်တေ။ တဖက်မှာလေ့ တော်လှန်ရေးကို တတ်နိုင်သလောက် ထောက်ပံ့ကတ်တေ။ အေနိထက်ထိ ချင်းတပ်မတော်တခုတည်းအဖြစ် ချင်ပြည်တပြည်လုံးကို ကိုယ်စားပြုထားရေ။ ရခိုင့်တော်လှန်ရေးအင်အားစုတိထက် အဆပေါင်းများစွာ အင်အားကြီးရေ၊ ကျစ်လိပ်ခိုင်မာရေ။ အနာဂါတ်အတွက်လေ့ ပျင်ဆင်ထားကတ်တေ၊ ပျင်ဆင်နီကတ်တေ။ ဖိုင်ဒရယ်ပြည်ထောင်စုမှာ ဖိုင်ဒရယ်တပ်မတော်အဖြစ်ပါဝင်ဖို့ အဆင်သင့်ဖြစ်နီရေ။ အေစကားကိုပြောခီကေ ``ငါရို့က လွတ်လပ်ရေးအတွက်တိုက်ပွဲ့ဝင်နီစွာလို့`` ဆင်ခြီဆင်လက်ပီးကတ်ဖို့စွာ သေချာရေ။ ဇာဖြစ်လို့လဲဆိုကေ လူဖြစ်ယင်းလူစံမမှီလို့ မာနချေကို ထောင်ပြစွာ။ အမှန်က မာနမဟုတ်ပါ။ ကျဆုံးနီစွာကို ဖေါ်ပြလိုက်စွာပါရာ။ ဆလှိုင်းလျှံမှုဆာခေါင် ၁၉၉၀ ပြည်ရွီးကောက်ပွဲ့ခရီစည်မှာ၊ ရခိုင်ပြည်နန်းရာကုန်းထက်မှာ ပြောခရေစကားနန့် ပြန်ပြောရကေ ``ကိုယ်ပင်ရခိုင်လူမျိုးတိ ထီးနန်းနန့်နီခကေလေ့ ကျန်တော်ရို့ ပဒရီဖင်ကြားညှပ် တင်သားမှာပွီးဝပ်နီရေ ချင်းလူမျိုးကို မမှီလိုက်ပျာ`` လတ်။ ကောင်းဝမ်းနည်းဖို့ မကောင်းပါလား။ သူ့အမြင်ကို မကွယ်မ၀ှက်ဘဲ အမှန်တိုင်းပြောစွာယေ။ အေပိုင်ပြောလူတိကို ကောင်းကျေးဇူးတင်ရဖို့။ ကျေးဇူးတင်ရဖို့ပိုင် လက်ခံတတ်လာအောင်လေ့ နားထောင်တတ်ဖို့က အလွန်အရေးကြီးပါရေ။ လက်ဟိမှာလေ့ ချင်းပြည်နယ်ထက် ကောင်းကွာစွာက မဟုတ်။ တစ်နန့်နှစ်နီရာမှာရာ..။

ကျောက်ဖြူညီလာခံမှာလေ့ ရခိုင်သားတိ၏ အကျင့်ဇရစ်တိကို မြင်လိုက်ရရေ။ ညီိလာခံက ဓါတ်ပုံတိကိုသေချာကြည့်ကေ တချို့ဓါတ်ပုံတိမှာ မာနပြိုင်နီကတ်စွာကို တွိရပါလိမ့်မေ။ ဖြစ်မြောက်ရေးကော်မတီမှာလေ့ ဦးဆောင်မှုနီရာကို လုနီကတ်တေသဘောဟိရေ။ ပွဲ့ရာပြီးလားရေ တယောက်နန့်တယောက်က စိတ်ဓါတ်မာနပြိုင်နီကတ်စွာလေ့ တွိလိုက်ရပါရေ။ အုပ်စုအားပြိုင်မှုကိုလေ့ တွိလိုက်ရပါရေ။ စိတ်ဓါတ်မာနပြိုင်မှုတိကို လူမသိရအောင်လို့ ကိုယ့်စွာကိုကိုယ် ဖုန်းဖိထားကတ်စွာကိုလေ့ ယင်းပုဂ္ဂိုလ်တိမျက်နှာမှာ ဖေါ်ပြနီပါရေ။ ဇာလောက်အမျိုးသားရေးစိတ်ဓါတ်ပိုင်းဆိုင်ရာ ပြိုပျက်နီကတ်လေဆိုစွာကို ကြည့်လိုက်စွာနန့်ကို သိသာပါရေ။

ဦးစားပီးမှုဇရစ်တိကိုလေ့ တွိလိုက်ရပါရေ။ ကချင်ဒေသအခြီစိုက် AA တပ်မတော်၊ ရခိုင်ဒေသအခြီစိုက် ALA တပ်မတော် တပ်မတော်နှစ်ခုတက်ရောက်နိုင်ခစွာမှာ ကချင်ဒေသအခြီစိုက် AA တပ်မတော်ကိုယ်စားလှယ်တိကို ပိုပြီးကေ ဦးစားပီးစွာကို တွိလိုက်ရရေ။ ဂရုစိုက်စွာကိုလေ့ တွိလိုက်ရရေ။ ပိုပြီးကေရှိတန်းတင်ပီးစွာကိုလေ့ တွိလိုက်ရရေ။ အဓိက အရေးထားအားကိုးစွာကိုလေ့ တွိလိုက်ရရေ။ ခစ်ပညာတတ်လူငယ်ချေတိဖြစ်နီလို့၊ စိတ်ဓါတ်ပိုင်းဆိုင်ရာမြင့်မားလာအောင်လို့ ဦးစားပီးစွာ ဖြစ်ကောင်းဖြစ်နိုင်ခကေလေ့ ကိုယ်ကျိုးစွန့်အသက်ပီးတိုက်ပွဲ့ဝင်နီကတ်တေလူတိ အချင်းချင်းကြားထဲမှာ ခွဲခြားဆက်ဆံစွာက ကောင်းရေလက္ခဏာမဟုတ်ပါ။ ယှင်းယှင်းပြောရကေ ကျောက်ဖြူရခိုင်အမျိုးသားညီလာခံရေ ကချင်ဒေသအခြီးစိုက် AA တပ်မတော်ကို ရခိုင်လူထုကြားမှာ ပွဲ့ထုတ်လိုက်စွာနန့်တူနီရေ။ ရခိုင့်တပ်မတော်က ရခိုင်စစ်သားတိကို ပွဲ့ထုတ်ချင်ရေဆိုကေလေ့ ခွဲခြားပြီးကေ ပွဲ့ထုတ်ပြစရာ မလိုလို့ထင်ရေ။ သူရို့စစ်သားအချင်းချင်း စိတ်ဝမ်းကွဲလားနိုင်ရေ။ နိုင်ငံရေး၊ လူမှုရေးနယ်ပယ်တိထဲက ရခိုင်ဂေါင်းဆောင်းအများစုက ကချင်ဒေသအခြီစိုက် AA တပ်မတော်ကိုရာ မြှောက်ပင့်အားပီးချင်ကတ်တေ သဘောတိကိုလေ့ ပြသလားကတ်တေ သဘောဟိရေ။ ဇာပြောပြော လက်တွိကျရေလုပ်ရပ်နန့် တိုက်ပွဲဝင်နီကတ်စွာက ရခိုင်ဒေသအခြီစိုက် ALA တပ်မတော်သားတိရာဖြစ်တေဆိုစွာ တယောက်လေ့ ငြင်းချက်ထုတ်နိုင်ဖို့ မထင်။

ညီလာခံအပြီး ကချင်ဒေသအခြီစိုက် AA တပ်မတော်ကိုယ်စားလှယ်တိ ရခိုင်ပြည်သူတိနန့် ထိတွိမှုရစီရေ ရခိုင်ပြည်တပါတ်ခရီးစဉ်မှာ ကိုကျော်ဟန် (လက်ဟိ ဒုဗိုလ်မှု၊ ယခင် AASYC ဥက္ကဌဟောင်း) ပြောလားရေစကားတိစွာ ညီညွတ်ရေးကို မရမက တည်ဆောက်ဖို့ဆိုရေစကား၊ ရခိုင်ပြည်သူတိ အားဖြစ်စီရေစကား၊ ရခိုင်ပြည်သူတိ စိတ်ခွန်အားဖြစ်စီရေ စကားကိုက မတွိလိုက်ရ၊ မကြားလိုက်ရ။ ရခိုင်ပြည်သူတိအဓိက လိုလားတောင်တနီရေ စိတ်ဓါတ်ခွန်အားဖြစ်စီရေ စကားတိကို ဇာဖြစ်လို့ လိုလိုလားလား ပြောဆိုမစည်းရုံးနိုင်ခစွာလဲ။ အေနီရာမှာ အရည်ခြင်းညံ့လို့ ဖြစ်ရစွာ၊ ပညာခွန်အားမဟိလို့ ဖြစ်ရစွာလို့ ဆင်ခြီပီးကေ လက်ခံနိုင်စရာ အကြောင်းမဟိ။ မာနသဝေထိုးနီစွာကို ဖေါ်ပြလားရေလို့ မြင်ပါရေ။ သူပြောလားရေစကားက ``အဓိက အင်အားကြီးပါတီနှစ်ခုဖြစ်တေ ALP နန့် ကချင်ဒေသအခြီးစိုက် AA တပ်မတော် ပေါင်းစည်းလိုက်ကေ အင်အားငယ်ရေအုပ်စုတိ နောက်ကလိုက်လာကတ်လိမ့်မေ``ဆိုရေ စကားစွာရေ နောက်ကလိုက်ကေလိုက် မလိုက်ကေ ချန်ထားခဖို့ဆိုရေ သဘောဟိရေ။ ဂရုစိုက်စရာမလိုဆိုရေ သဘောဟိရေ။ အေစကားက မဟိခါခြီကိုင်၊ ဟိခါဆန်ကိုင်ချင်ရေ သဘောမျိုးဖြစ်နီရေ။ စကားအသုံးအနှုန်းကိုယ်၌က အများလက်ခံလောက်တေ၊ အများနားဝင်ချိုစီရေ၊ အများကိုဆွဲဆောင်စီရေ စကားမဟုတ်ပါ။ တချိန်က သူလက်အောက်ငယ်သားတိဖြစ်တေ ကယင်ဒေသအခြီစိုက် AA တပ်မတော်သားတိကို လုပ်ဖေါ်ကိုင်ဖက်သဘောမထားနိုင်ဘဲ ရန်သူသဖွယ်သဘောထားစွာကို ဖေါ်ပြနီရေ။ အချင်းချင်းနားလည်မှုနန့် ကိုယ့်လက်အောက်ငယ်သားတိကို သိမ်းသွင်းယူရဖို့အစား သူခံခရစွာတိကို လက်စားချယ်ရေသဘောမျိုးဖြစ်နီရေ။ အေစိတ်ဓါတ်ကို မြင်လိုက်ရလို့ စိတ်မကောင်းဖြစ်မိရေ။

ကချင်ဒေသအခြီစိုက် AA တပ်မတော်မှာ ကိုကျော်ဟန်လောက် နိုင်ငံရေးအတွိအကြုံဟိရေလူ မဟိဆိုစွာကို သူသတိမထားမိထင်ရေ။ သူမှားရေအမှားစွာ သူ့တပ်မတော်က စစ်ဦးစီးချုပ်တိ၊ ဒုစစ်ဦးစီးချုပ်တိမှားစွာထက် အန္တရယ်ဟိရေဆိုစွာကို သူသတိမထားမိပုံပေါ်ရေ။ ကချင်ဒေသအခြီစိုက် AA တပ်မတော်နန့် ALP ပေါင်းစည်းလိုက်စွာနန့် ရခိုင်ပြည်တော်လှန်ရေးအောင်မြင်လားပျာ၊ ပြီးဆုံးလားပျာ၊ အရာရာကိုအောင်နိုင်ပျာလို့ ထင်နီကေ ကောင်းမှားပါလိမ့်မေ။ သိထားရဖို့အချက်က ကိုယ်ပင်ရို့တပ်မတော်က လက်နက်အပြည့်စုံနန့် ရခိုင်ဒေသကိုရောက်နိုင်မှ ALP က လိုလိုလားလား လပ်ခံပါလိမ့်မေ။

အခြားတဖက်မှာ ဗမာမြန်မာနိုင်ငံကို ဖိုင်ဒရယ်ပြည်ထောင်စုဖွဲ့ဖြစ်လို့ အချိုးကျပါဝင်ရေဖိုင်ဒရယ်တပ်မတော် ထူထောင်ဖြစ်ကေလေ့ ကိုယ်ပင်ရို့ရခိုင်ဒေသကို မရောက်နိုင်။ အချိုးကျပါဝင်ရေဖိုင်ဒရယ်တပ်မတော်ထဲကိုရာ ရောက်လားဖို့။ ရခိုင်ပြည်မှာ ပြည်နယ်တပ်မတော်ကို ဖွဲ့ခွင့်ပီးဖို့မဟုတ်။ တခြားပြည်နယ်တိမှာရာ ပြည်နယ်တပ်မတော်ဖြစ်လားဖို့ ရခိုင်ပြည်နယ်မှာ ဖြစ်လာဖို့မဟုတ်။ ဇာဖြစ်လိုလဲ မီးစရာဟိပါလိမ့်မေ။ ရခိုင်သားတိ အစိတ်စိတ်အမွှာမွှာ ကွဲနီစွာကို ဗမာမြန်မာတိက ရခိုင်သားထက် သိထားရေ။ အချင်းချင်းစည်းလုံးအောင်လုပ်ပါ။ ညီညွတ်အောင်လုပ်ပါဆိုရေ စကားလုံးအလှပချေနန့် ရခိုင်သားတိကို ရန်တိုက်လာလိမ့်မေ။ လက်ဟိမှာလေ့ ယင်းအတိုင်ပြောနီစွာပျာ မလား။ NUPA ခွဲထွက် ဦးသိန်းဖေနန့် ကိုကျော်ဟန်လေ့ မပေါင်းချင်ရေပိုင်၊ ဥက္ကဌခိုင်ရဲခိုင်လေ့ တသက်လုံးကိုပေါင်းလီဖို့ မဟုတ်။ နောက်ထပ်ခွဲထွက်လားရေ NUPA ခွဲထွက် ခိုင်မြ၀ါနန့်လေ ALP က စကားထိုင်ပြောလိမ့်မေ မဟုတ်။ ကိုကျော်ဟန်ပြောရေ စကားအတိုင်း အုပ်စုချေတိ နောက်ကလိုက်လာကတ်လိမ့်မေဆိုစွာရေ မဖြစ်နိုင်။ သူရို့လေ့ သူ့နည်းသူ့ဟန်နန့် သဝေထိုးနီကတ်ဖို့စွာပျာ။ ယင်းသဝေထိုးနီရေ အုပ်စုချေတိနန့် ကိုကျော်ဟန်ရို့ ကိုယ့်ကိုကိုယ်အင်းအားကြီးလို့ သတ်မှတ်ထားရေ အုပ်စုတိကြားမှာ ဖြစ်လာဖို့ပဋိပက္ခကို ကြိုတင်မြင်ထားဖို့လိုရေ။ အေကိစ္စကို နက်နက်ချိုင်းချိုင်း စဉ်းစားထားဖို့လိုရေ။

ယူနီဖောင်းဝတ် ဖေါ်ချိုးပေါ်ပျူလာ ဖြစ်နီဖို့အစား ရခိုင်ပြည်နန့်ရခိုင်လူထုလိုအပ်ချက်ကို တစွမ်းတစ ဖြည့်စွက်ပီးနိုင်ရေ တပ်မတော်သားကောင်း၊ နိုင်ငံရေးသမားကောင်း၊ လူမှုရေးလုပ်သားကောင်းများ ဖြစ်နိုင်ကတ်ပါစီ။

ကျန်းမာချမ်းသာကတ်ပါစီ
ခိုင်မြသိန်း (ချောင်းသာကြီး)
၃၀၊ ၀၅၊ ၂၀၁၄
Glada Hudik