Saturday, June 14, 2014

ဖေါ်ချိုးပေါ်ပျူလာမဖြစ်စီဖို့ (၄)

ေ ကောင်းမကြာခင်က ဦးသိန်းစိန်အစိုးရ ငြိမ်းချမ်းရေနန့်၊ အပစ်ခိုက်ရပ်စဲရေးကို စတင်ခရေ။ ယင်းလုပ်ငန်းစဉ်မှာ နယ်ခြားစောင့်တပ်ဖွဲ့ရေးလေ့ ပါလာရေ။ အေအသံကိုကြားရလို့ ရခိုင်သားတိ ကောင်းပျာ်ကြီးကျပြီးကေ မျှော်လင်းချက် ကြီးကြီးမားမား ထားနီကတ်စွာကို တွိရရေ။

ဆွီဒိန်နိုင်ငံရောက် ရခိုင့်နိုင်ငံရေးသမားကြီး ခိုင်တိန်တိန်မောင် ထိုင်းဖက်က ပြန်ရောက်လာရေ။ ထိုင်းဖက်အခြေနီတိကို ဖုန်းကတဆင့်ပြောဖြစ်ကတ်တေ။ ရခိုင်ကုလားပြသနာကို အကြောင်းပြုလို့ သူကိုယ်တိုင်နယ်ခြားစောင့်တပ်ဖွဲ့ဖို့ ငြိမ်းချမ်းရေးတမာန်တော် ဦးအောင်မင်းနန့်တွိခပြီးကေ စာမျက်နှာ ၇ မျက်နှာဟိရေ စာတမ်းတစောင်ကိုလေ့ ပူးတွဲတင်ပြလိုက်တေ ပြောရေ။ ကျန်တော်စိတ်ထဲမှာ တမျိုးဖြစ်လားရေ။ လူဆိုစွာကပြောလို့မရ သူအစွမ်းစနန့်သူ။ ကောင်းလေ့အထင်အမြင်ငယ်ပလိုက်လို့ မရ။ ကိုယ့်စိတ်ကိုကိုယ် ထိမ်းချုပ်ထားရေကြားက စကားတခွန်းမီးဖြစ်တေ ``အကိုမှာ ဇာလူအင်အားနန့် နယ်ခြားစောင့်တပ်ဖွဲ့ဖို့လဲ။`` ၀င်လုပ်ဖို့လူတိ ကန်ကမကန်လို့ ပြန်ဖြေလားခရေ။


ANC လက်အောက်ခံ AA (ကယင်ပြည် DKBA ဒေသအခြီစိုက်) တပ်မတော်ကလေ့ နယ်ခြားစောင့်တပ်ဖွဲ့ရေးကို လိုလားကတ်တေ ထင်ရေ။ ANC ရခိုင်ပြည်ခရီးစိုင်မှာ အရိပ်အမွှန်ကျလိုက်တေ။ ကချင်ဒေသအခြီစိုက် AA တပ်မတော်က နယ်ခြားစောင့်တပ်ဖွဲ့ရေး၊ လုပ်ရေးကို ရခိုင်အမျိုးသားညီလာခံ (ကျောက်ဖြူ) မှာ ပေါ်ပေါ်လွင်လွင်ကို ဖေါ်ပြလားစွာကို တွိလိုက်ရရေ။ ALP မှာလေ့ တချို့တ၀က်က နယ်ခြားစောင့်တပ်လုပ်ရေး လက်ခံထားကတ်တေ၊ နောက်တချို့ကလေ့ လက်မခံလို့ ကြားလိုက်ရရေ။ တခြားရခိုင်ပြည်တွင်းထဲက လက်နက်ချအမှောင်ဝင်လားအုပ်စုတိကလေ့ နယ်ခြားစောင့်တပ်ဖွဲ့ရေးကို လျှောက်လွှာတင်ထားကတ်တေလို့လေ့ နသန်းန၀ါကြားရရေ။ နှမ်းတစိကို ကျီးတအုပ်က ၀ိုင်းနီရေပိုင် ဖြစ်နီရေ။ ဇာပင်ပြောပြော ရခိုင်ကုလားပြသနာကို အကြောင်းပြုပြီးကေ ရခိုင်ပြည်သူလူထုတရပ်လုံးနန့် ရခိုင်လက်နက်ကိုင် အများစုက နယ်ခြားစောင့်တပ်ဖွဲ့ရေ၊ လုပ်ရေးကို လက်ခံနီကတ်တေလို့ ကောက်ချက်ချရဖို့ ဖြစ်တေ။ အေချင်က လောလောစိုင်မှာ ရခိုင်ပြည်သူလုံချုံရေးအတွက် သဟဇာတကျရေ၊ သင့်တော်ရေ လုပ်ရပ်တခုဖြစ်တေ။

AA နှစ်ဖွဲ့ပူးပေါင်းလားဖို့လို့လေ့ လီသံပစ်ကတ်တေ။ သူ့အဌာနန့်သူပျာ။ ရခိုင်အမျိုးသားညီလာခံမှာ ALP နန့် AA (ကချင်ဒေသအခြီးစိုက်) အမျိုးသားလိုအပ်ချက်အရ ပူးလားဖို့ကို ဖွင့်ပြောလားကတ်တေ။ ကောင်းရေလက္ခဏာတိပါရာ။ ၀မ်းမြောက်ဖို့လေ့ ကောင်းပါရေ။

ဟုတ်ပျာ။ အခြားတဖက်မှာ ဗမာမြန်မာတိုင်းရင်းသားမဟုတ်တေလူမျိုးတိက သူနီရာနန့်သူ့တပ်အင်အားတိကို ပြည်ထောင်အလိုက်ဖွဲ့စည်းထားရေ ဖိုင်ဒရယ်ပြည်ထောင်စုမှာ ဖိုင်ဒရယ်တပ်မတော်အဖြစ် ဖွဲ့စည်းလားရေးကို ဆွေးနွေးတောင်ဆိုနီကတ်တေ။ ယင်းအချိန်မှာ ငါရိုပတိက နယ်ခြားစောင့်ရဖို့အရေးကို ချွဲပြန်အောင်၊ အာခြောက်အောင် ပြောဆိုနီရရေ။ နိုင်ငံရေးအဆင့် ဇာလောက်နိပ်ကျနီလေဆိုစွာ ယှင်းလို့၊ လင်းလို့၊ ကြင်းလို့ မြင်နီရရေ။

နယ်ခြားစောင့်ရဖို့အရေးကို ဗမာမြန်မာတိကလုပ်ပီးဖို့လားကု။ ကောင်းမကြာခခင်က ရခိုင်ပြည်မှာ နယ်ခြားစောင့်တပ်ဖွဲ့ပီးစရာမလိုလို့ ဗမာမြန်မာအစိုးရက ပြောလားခရေ။ ပြည်သူ့ရဲတပ်ဖွဲ့နန့် တပ်မတော်က အခြေနီတိကို ကောင်းကောင်းထိမ်းချုပ်ထားနိုင်ပါရေလို့ ရေဒီယိုသတင်း၊ တဗွီသတင်းတိ ထုတ်လွှင့်လားခရေ။ ကိုင်...ယုံလို့ရဖို့လားကု။

ဆက်ပါမေ
ကျန်းမာချမ်းသာကတ်ပါစီ

ခိုင်မြသိန်း (ချောင်းသာကြီး)

No comments:

Post a Comment