ဖေါ်ချိုးပေါ်ပျူလာမဖြစ်စီဖို့ (၅) အဆုံးသတ်

ဗမာမြန်မာနိုင်ငံအတွင်း လက်နက်ကိုင်တော်လှန်တိုက်ပွဲဝင်နီကတ်တေ အမျိုးသားလူမျိုး (၇) မျိုးထဲမှာ ကျောင်းသားတပ်မတော်ဆိုလို့ ရခိုင်လူမျိုးတမျိုးတည်းမှာရာ ဟိပါရေ။ တခြားလူမျိုး (၆) မှာ လူငယ်အဖွဲ့စည်းရာ အသီးသီး ဟိကတ်ပါရေ။ ယကေလေ့ လူငယ်တပ်မတော်ထူထောင်ကတ်စွာကိုက မတွိရပါ။ နိုင်ငံရေးပိုင်းမှာ၊ သဘာဝပါတ်ဝန်းကျင်ပိုင်းမှာ၊ လူအခွင့်ရေးပိုင်းမှာ ဇောက်ချလုပ်ကတ်စွာကို တွိရပါရေ။ ASDF ကို အားကျပြီးကေ ရခိုင်ကျောင်းသားလူငယ်တိလေ့ တပ်မတော်ထူထောင်ပြီးကေ ပေါ်ပျူလာတော်လှန်ရေးစင်မြင့်ကို ချိပ်တက်ခကတ်တေ။ အေကုထက်ထိအောင် ချိပ်တက်နီကတ်တေ။ ကျောင်းသားအများစုအကြောင်းပြချက်က ဂြာအိုကျတိနန့် အလုပ်မဖြစ်ပျာ။ စိတ်သစ်၊ လူသစ်၊ အတွေးခေါ်အသစ်တိနန့် တော်လှန်ရေးအသစ်တခုကို ထူထောင်ဖို့ ငါရို့ကျောင်းသားလူငယ်တိမှာ တာဝန်ဟိရေလို့ ခံယူကတ်စွာကို တွိရရေ။ အေတွေးခေါ်ကိုက ညီးညွတ်ရေးကို ဦးတည်နီစွာ မဟုတ်။ တစင်ထောင်စနစ်ဖက်ကို ဦးတည်နီရေလို့ ပြောကေ ကွက်တိမှန်လီဖို့ ထင်ပါရေ။

ဖေါ်ချိုးပေါ်ပျူလာမဖြစ်စီဖို့ (၄)

ေ ကောင်းမကြာခင်က ဦးသိန်းစိန်အစိုးရ ငြိမ်းချမ်းရေနန့်၊ အပစ်ခိုက်ရပ်စဲရေးကို စတင်ခရေ။ ယင်းလုပ်ငန်းစဉ်မှာ နယ်ခြားစောင့်တပ်ဖွဲ့ရေးလေ့ ပါလာရေ။ အေအသံကိုကြားရလို့ ရခိုင်သားတိ ကောင်းပျာ်ကြီးကျပြီးကေ မျှော်လင်းချက် ကြီးကြီးမားမား ထားနီကတ်စွာကို တွိရရေ။

ဆွီဒိန်နိုင်ငံရောက် ရခိုင့်နိုင်ငံရေးသမားကြီး ခိုင်တိန်တိန်မောင် ထိုင်းဖက်က ပြန်ရောက်လာရေ။ ထိုင်းဖက်အခြေနီတိကို ဖုန်းကတဆင့်ပြောဖြစ်ကတ်တေ။ ရခိုင်ကုလားပြသနာကို အကြောင်းပြုလို့ သူကိုယ်တိုင်နယ်ခြားစောင့်တပ်ဖွဲ့ဖို့ ငြိမ်းချမ်းရေးတမာန်တော် ဦးအောင်မင်းနန့်တွိခပြီးကေ စာမျက်နှာ ၇ မျက်နှာဟိရေ စာတမ်းတစောင်ကိုလေ့ ပူးတွဲတင်ပြလိုက်တေ ပြောရေ။ ကျန်တော်စိတ်ထဲမှာ တမျိုးဖြစ်လားရေ။ လူဆိုစွာကပြောလို့မရ သူအစွမ်းစနန့်သူ။ ကောင်းလေ့အထင်အမြင်ငယ်ပလိုက်လို့ မရ။ ကိုယ့်စိတ်ကိုကိုယ် ထိမ်းချုပ်ထားရေကြားက စကားတခွန်းမီးဖြစ်တေ ``အကိုမှာ ဇာလူအင်အားနန့် နယ်ခြားစောင့်တပ်ဖွဲ့ဖို့လဲ။`` ၀င်လုပ်ဖို့လူတိ ကန်ကမကန်လို့ ပြန်ဖြေလားခရေ။

ဖေါ်ချိုးပေါ်ပျူလာမဖြစ်စီဖို့ (၃)

ေAASYC လေ့ တဖြည်းဖြည်းပျောက်ကွယ်လားရေပိုင်၊ မြောက်ဝင်ရိုးစွမ်းက နီမ၀င်ရေညာဥ့်တညာဥ့်မှာ ဖြုတ်စိကြယ်ချေထွက်တေပိုင် ANC ပေါ်ထွက်လာရေ။ လူအများက ကောင်းစိတ်ဝင်စားကတ်ပုံးမပေါ်။ ၄င်း ANC အောက်မှာ လက်နက်ကိုင် AA ဆိုရေ အဖွဲ့တဖွဲ့ပေါ်ထွက်လာရေ။ ဇာလောက်အောင်မြင်မှုဟိလေဆိုစွာကို ရခိုင်ပြည်သူထက် DKBA ရာ အသိဆုံးဖြစ်ဖို့ထင်ရေ။

ဖေါ်ချိုးပေါ်ပျူလာမဖြစ်စီဖို့ (၂)

ကျန်တော်ဆွီဒိန်ကို ၂၀၀၇ ခုနှစ်ရောက်တေ။ ယင်းနောက်ပိုင်မှာ AASYC က အတွင်းရေးမှုပုံစံနန့် ဖွဲ့စည်းလိုက်တေ Statement တစောင်ထွက်လာရေ။ အောင်မင်းဦးက အတွင်းရေမှုနီရာယူထားစွာကို တွိလိုက်ရရေ။ အေပုံစံကို ကိုကျော်ကျော်လေ့ ကျင့်သုံးခရေ။ AASYC မဖွဲ့စည်းခင် တနှစ်အလိုလောက်က Arakan Student Congress (ASC) ကို အေစနစ်နန့် ဖွဲ့စည်းခရေ။ သူ့အကြောင်းပြချက်က ကမ္ဘာမှာအင်အားအကြီးဆုံးအဖွဲ့ဖြစ်တေ UN ကို အတွင်းရေးမှုစနစ်နန့်ဖွဲ့ထားရေ။ အေစနစ်စွာရေ အာဏာပါဝါနန့်နီရာထိုင်ခုန်ကို ညီမျှစီရေလို့ အစည်းဝေမှာ ယှင်းပြရေ။ အမှန်က အေဖွဲ့စည်းပုံစနစ်ကို ကျင့်သုံးရခြင်းရေ တခြားလူတိကို ထိမ်းချုပ်ချင်လို့။ တနည်းပြောရကေ သူ့အထက်မှာ တယောက်ကိုလေ့ နီရာမပီးချင်လို့ အချိုသတ်ပြီးကေ အဏာထိုင်ခုန်ကို ချုပ်ကိုင်ထားစွာ ဖြစ်တေ။ အောင်မင်းဦး ဇာလောက်ညာဏ်များနီလေဆိုစွာကို AASYC ကို အတွင်းရေးမှုစနစ်နန့် ဖွဲ့စည်းလိုက်စွာက ဖော်ပြနီရေ။ သူ့အထက်မှာ တယောက်လေ့ မဟိရဆိုရေ သဘောဟိရေ။ အဖွဲ့စည်း၏လုပ်ပိုင်ခွင့် အရာရာတိုင်းကို သူတယောက်တည်း ချုပ်ကိုင်ဖို့ဆိုရေ သဘောဟိရေ။

ဖေါ်ချိုးပေါ်ပျူလာမဖြစ်စီဖို့ (၁)

April 27-may 1, 2014 ရက်နိထိ ငါးရက်ကြာ ရခိုင်အမျိုးသားညီလာခံကို ကျောက်ဖြူမှာကျင်းပလားပါရေ။ ယင်းညီလာခံမှာ ပါတီမဟိသိမ့်ရေ ရခိုင်တပ်မတော် (AA ကချင်ဒေသ အခြီစိုက်) က ကောင်းပေါ်ပျူလာဖြစ်လားစွာကို တွိလိုက်ရပါရေ။ အားရ၀မ်းမြောက်ပါရေ။ စိတ်မှာလေ့ အမှန်ကြည့်နုဖြစ်ပါရေ။ ကိုကျော်ဟန်က ကိုယ်နန့်အတူ လုပ်ဖေါ်ကိုင်ဖက်တယောက်ဖြစ်ဖူးခရေပိုင် AASYC ကို စတင်ထူထောင်ခရေလူတိထဲမှာ ပါဝင်ခရေလူတိဖြစ်နီစွာတကြောင်း၊ နောက်ပိုင်းမှာ AASYC ဥက္ကဌဖြစ်လာစွာကတကြောင်း ပိုလို့ဝမ်းမြောက်ဖြစ်ပါရေ။ အေနိ AA မှာ စစ်ဦးစီးချုပ်နီရာနန့် ဒုစစ်ဦးစီးချုပ်နီရာတိကို ယူထားရေလူတိက တချိန်က AASYC မှာ Under Ground (UG) activists တိ လုပ်ဖူးခကတ်ပါရေ။ ယင်းလူတိကို အေနိအေပိုင်ဝတ်စုံတိနန့် မြင်ရလို့လေ့ လေးစားပါရေ။

ရခိုင်ဂေါင်းတုံးဗမာသုံး

လုပ်လိုက်သမျှအလုပ်က ဗမာမြန်မာအတွက်စီ ဖြစ်လားရေ...။

မဆလခေတ်မှာ ရခိုင်ဘုန်းကြီးတပါး ကောင်းနာမည်ကြီးကျော်ကြားခရေ...။ ဇာတိက ပေါက်တောမြို့နယ် တောင်ချောင်ရွာက ဖြစ်ပါရေ။ ဘွဲနာမည်ကိုက မပြောပျာ ရခိုင်လူချမ်းသာတိဘက်မှာ မျက်စောင်းထိုးမခံချင်လို့ပါ။ ဇံရရေ...လတ်..။ ဆွမ်းခံလားကေ ဇံနန့်ကြွတော်မူရေလို့ ပြောကတ်ပါရေ။ နေ၀င်းကိုယ်တိုင် ကိုးကွယ်ရေဘုန်းကြီး...ဘုရင်ကိုးကွယ်ရေဘုန်းကြီးပ...။ တရက်နိ ဘုန်းတော်ကြီးဆွမ်းခံဖို့ ဇံနန့်ကြွတော်မူရေမှာ ခြီသလုံးမှာ ကျုပ်တိကပ်ပါလတ်တေဆိုကာ................(သူများပြောစကားရာ)။ ဘုရားတည်ကေ လက်ညှိုးထိုးလို့စီ တည်ပါရေ..။ ဗုဒ္ဓတခါလေ့ လက်ညှိုးထိုးညွှန်ပြရေလို့ တခါလေ့မဟိခလို့ ပညာသျှင်တိက သုံးသတ်ကတ်ပါရေ။ ယင်းဘုန်းကြီးလက်ထက်ရောက်ခါမှ ဗုဒ္ဓလေ့လက်ညှိုးထိုး အလေ့အထဖြစ်လားပုံပေါ်ရေ....။

ပညာတတ်တိကို ဇာဖြစ်လို့ အမြင်စောင်းလေ ငါ....(၇) (အဆုံးသတ်)

၂၀၀၃ ခုနှစ် နွီရာသီလတလမှာ ဗမာမြန်မာနိုင်ငံဖွဲ့စည်းအုပ်ချုပ်ပုံ ဥပဒေမူကြမ်းတခုကိုရွီးဆွဲဖို့အတွက် New Delhi, Janak Puri ရပ်ကွက်က Asalapur မှာ ဟိရေ Maharaja hall ခန်းမှာ ဗမာမြန်မာနိုင်ငံက ဒီမိုကရေစီလှုပ်ယှားသူတိ စုရုံးရောက်ဟိလာကတ်ပါရေ။ အခန်းနားကို ၁၀ နာရီလောက်မှာ စဖြစ်ကတ်တေ ထင်ပါရေ။ လူဦးရည်က ၃၀၀ နီးပါးလောက် တက်ရောက်ကတ်ပါရေ။ ယင်းအထဲမှာ လူမျိုးအလိုက် ဖွဲ့စည်းပုံဆိုင်ရာဆွေးနွေးမှုတိပါပါရေ။ ကျန်တော်ရို့ရခိုင်လူမျိုးအတွက်က Maharaja Hall ခန်း အထက်ဆုံးခန်းမှာ နီရာရပါရေ။ အခန်းနားကို ဦးဆောင်ဦးရွက်လုပ်သူက ဗိုလ်မှုခိုင်မျိုးမင်း(လက်ဟိ Australia နီသူ) ဖြစ်ပါရေ။ တက်ရောက်ကတ်တေ ရခိုင်အဖွဲ့စည်းတိကလေ့ စုံပါရေ။

ပညာတတ်တိကို ဇာဖြစ်လို့ အမြင်စောင်းလေ ငါ....(၆)

၁၉၉၄ ခုနှစ် နယူဒေလီရောက် ရခိုင်ကျောင်းသားလူငယ်တိစုစည်းပြီးကေ Arakan Students' Congress (ASC) ကို ဖွဲ့လိုက်ကတ်ပါရေ။ ယင်းနောက် ၁၉၉၅ မှာ ဘင်္ဂလာရောက်ရခိုင်ကျောင်းသားလူငယ်၊ အိန္ဒိယရောက်ရခိုင်ကျောင်းသားလူငယ်၊ ထိုင်းရောက်ရခိုင်ကျောင်းသားလူငယ်များပူးပါင်းပြီး ထိုင်းနိုင်ငံဘန်ကောက်မြို့မှာ ညီလာခံတခုကျင်းပခပါရေ။ ယင်းညီလာခံက All Arakan Students' and Youths' Congress (AASYC) ကို မွီးဖွားပီးလိုက်ပါရေ။ ခိုင်မြတ်ကျော်က ဥက္ကဌဖြစ်လာပြီးကေ ခိုင်ကျော်ကျော်က အတွင်းရေးမှုဖြစ်လာပါရေ။ AASYC နန့်အတူ Arakan New Generation Army (ANGA) လက်နက်ကိုင်အဖွဲ့ကိုလေ့ တပါတည်းဖွဲ့စည်းလိုက်ကတ်ပါရေ။ ခိုင်မြတ်ကျော်က စစ်ဦးစီးချုပ်ဖြစ်လာပါရေ။ အနောက်ဖက်ဒေသမှာအခြီစိုက်ပြီး ဖိုင်းရယ်နန့်ဒီမိုကရေစီတိုက်ပွဲ့အတွက် တိုက်ပွဲ့ဝင်ဖို့လေ့ ဆုံးဖြတ်လိုက်ကတ်ပါရေ။

ပညာတတ်တိကို ဇာဖြစ်လို့ အမြင်စောင်းလေ ငါ....(၅)

ကျန်တော် ၁၉၉၄ ခုနှစ် ဇန္န၀ါရီလဆန်းမှာ ကိုယ်တော်ယသနန့်အတူ နယ်စပ်ကိုဆင်လိုက်ပါရေ။ ဆင်းရခြင်းအကြောင်းရင်းက နယ်စပ်ဒေသတလျှောက်မှာ ALA တပ်ဖွဲတိနန့် ဗမာမြန်မာစစ်သားတိနန့် တိုက်ပွဲ့ကြောင့် ဒေသခံရွာတချို့ကို ဗမာမြန်မာစစ်တပ်က မီးတိုက်ဖျက်စီလိုက်ကတ်ပါရေ။ ယင်းသတင်းနန့် ဒုက္ခသည်တိကို ဓါတ်ပုံရယူဖို့ လားခြင်းဖြစ်ပါရေ။ ALP ပါတီက ရဲဘော်တိနန့် အတွင်းရေးမှုခိုင်မြ၀ါကိုယ်တိုင် ကူညီဆောင်ရွက်ပီးလိုက်ပါရေ။
ဖရာဝါဒုက္ခသည်ရွာ၊ မောင်ပုဆောင်၊ ကုလားတံဖြစ်မျှားမှ အထက်ကာကီ၊ အောက်ကာကီ၊ ဘင်္ဂလာ-ရခိုင်-အိန္ဒီယာနယ်စပ်တိမှာရောက်နီကတ်တေ ရခိုင်ဒုက္ခသည်အရည်တွက်၊ အိန္တာဗျူးတိကို အပြည့်စုံရခပါရေ။

ပညာတတ်တိကို ဇာဖြစ်လို့ အမြင်စောင်းလေ ငါ....(၄)

၁၉၉၂ ခုနှစ် ဒေလီမြို့နွီရာသီအပူချိန်က ဇာပိုင်ပူလေ။ ကိုင်ပြောဖို့မတတ်လောက်အောင်ကို ပူပါရေ။ ကျန်တော်ရို့ ရခိုင်လေးယောက်က Vikas Puri ရပ်ကွက်မှာ ၈ ပေ၊ ၆ ပေ အိမ်ခန်းတခန်းကို တလမှာ ရူပီးငွေ ၄၀၀ နန့် ငှားနီကတ်ပါရေ။ ယင်းအခန်းထဲမှာ ချက်စား ယင်းအခန်းထဲမှာ အိပ်ကတ်ရပါရေ။ အိမ်သာ၊ ရီချိုးခန်းက ပေါင်းသုံး။ ယင်းလောက်ပူစွာမှာ ကျန်တော်ရို့ လီပင်ကာမ၀ယ်နိုင်ပါ။ အိမ်ခန်းသမာန်တလင်းကြမ်းပြင်ကို ရီဆွတ်ပြီးကေ နီရပါရေ။ အပူချံလို့ မြိတ်ပေါက်စွာ အင်းဗျိုင်ထရေပိုင် ဖြစ်နီပါရေ။

ပညာတတ်တိကို ဇာဖြစ်လို့ အမြင်စောင်းလေ ငါ....(၃)

အေတခါ မတတ်လို့ နွားဖြစ်စွာ။ အပြစ်တင်လို့မရကေလေ့ စိတ်ထဲမှာက လုံးဝမခံချင်။ ၁၉၉၂ ခုနှစ် ဇွန္န၀ါရီလ ၂၄ ရက်နိ နယူဒေလီကို ကိုရန်နိုင်၊ ကိုနိုင်ဝင်း၊ ကိုဘအောင်နန့် ကျန်တော်ရို့ ရောက်လာကတ်ပါရေ။ အိမ်ခန်းငှားလို့မရသိမ့်ခင် NLD ပါတီက အမတ်တဦးဖြစ်သူ ဒေါက်တာတိန့်ဆွေ (Dr Tint Swe တင့်ဆွ၊ ပုလဲမြို့နယ် မဲဆန္ဒ ၁။ နောင်မှာ NCGUB ၀န်ကြီးချုပ်ယုံးဝန်ကြီးတာဝန်ခံ) အိမ်မှာ တည်းကတ်ရပါရေ။

ပညာတတ်တိကို ဇာဖြစ်လို့ အမြင်စောင်းလေ ငါ....(၂)

ကိုတော်အသျှင်ကြီးကေသာရကျောင်းမှာ ယင်းနိတညာဥ့်ပင် တည်းခွင့်မရခပါ။ ကိုတော်အသျှင်ကြီးကေသာရက ဘုန်းကြီးကျောင်းမှာ လူစိမ်းမတည်းရလို့ ကျောင်းတကာပြောထားရေလို့ ပြောပါရေ။ ကျန်တော်နန့်အတူလာရေ ပန္ဇင်းကတည်းခွင့်ရပါရေ။ နှစ်ယောက်အတူတူလာစွာ တယောက်တည်းခွင့်မရကေ အောက်ကျောင်းကို ပြောင်းကတ်ဖို့နှင့်ရာဝေ ပြောပြီးကေဆရာတော်ရက္ခ၀ံသကျောင်းထိုင်ရေ စောင်တည်မြို့ထဲကျောင်းကို ပြောင်းလားခရပါရေ။ စောင်တည်မြို့ထဲကျောင်းမှာလေ့ လူလက်မခံပါ။ သင်္ဃရာတည်းခွင့်ရရေ။ တပါတ်လောက် တည်းခွင့်ရအောင် လျှောက်ဖို့ကျပါရေ။ ကိုယင်ချေအက္ကဓမ္မ အခန်းထဲမှာ နီခွင့်ရပါရေ..။

ပညာတတ်တိကို ဇာဖြစ်လို့ အမြင်စောင်းလေ ငါ.. (၁)

`ငါ....ပညာတတ်တိကို ဇာဖြစ်လို့အမြင်စောင်းရလေ...`လို့စီ အမြဲတမ်းစဉ်းစားပါရေ။ တခါခါမှာ အတန်းပညာတတ်တိကိုဆိုကေ ကောင်းကောင်းမုန်းရေစိတ်တိ ပေါ်လာတတ်တေ။ အတန်းပညာနန့်ပါတ်သတ်လာကေ ၁၀ တန်း၊ ကောလိပ်၊ တက္ကသိုလ်ပညာတိနန့် ကိုယ့်ကိုဖိပြီးကေပြောလာကေ ယင်းလူကိုထသတ်ချင်စိတ်စီ ပေါက်လာရေ။ ကျန်တော့်စိတ်ထဲမှာ အေချင့်ဆိုင်ကိုယ်တခုပိုင် ဖြစ်နီပါရေ။ ကြာပါပျာဒေ။