ကြမ်းကေခွင့်မလွှတ်ကဲ့

ချင်းပျံတော်လှန်ရေးမှာ ဗိုလ်ကျော်ထွီးနန့်အပေါင်းပါ တောင်ပိုင်းဒေသက မြို့စားနယ်စားတိကို အမြစ်ပြုတ်အယှင်းခံရဖို့ဖြစ်လာခါ ဗိုလ်ကျော်ထီးရို့အုပ်စု ဗိုလ်ချင်းပျံလက်အောက်က ထွက်ပြီးဖို့ကျကတ်။ ကပ်ဖားကောင်တိ သွီးထိုးမှုကြောင်း မဖြစ်သင့်စွာတိ ဖြစ်ပေါ်ခရရေ။ နောက်ဆုံးဗိုလ်ချင်းပျံလေ့ ယိုးတရုတ်ဒေသက လက်ဟိဘင်္ဂလားဒေ တောနက်ထဲကို ၀င်ပြီးဖို့ကျရေ..။

ဗိုလ်ရာဇာစစ်ဦးစီးချုပ် ဦးဆောင်ရေ NUPA က ဦးသိန်ဖေရို့အုပ်ခွဲထွက်လားစွာလေ့ ဗိုင်ရာဇာပါးစကြောင်း ၆၀% လောက်ပါရေ။ ကျန်ရေ ၄၀% တပ်တွင်ပြသနာတိကြေင့် ခွဲထွက်လားစွာဖြစ်တေ။ ဗိုလ်ရာဇာက လူတော်တယောက်ပါရာ။ ငွေကြေးရှာနိုင်ရေ။ လက်နက်ရှာနိုင်ရေ။ ရလာရေငွေကြေးနန့်လက်နက်တိကို ရခိုင်ဒေသကိုရောက်အောင်ပို့နိုင်ခရေ။ လက်ဟိခေတ်မှာ သူအတော်ဆုံးရခိုင်တော်လှန်ရေးဂေါင်းဆောင်တယောက်လို့ ပြောရဖို့။

ယေကေလေ့ သူအကျင့်က ပါတီတွင်းမှာဟိရေ လူကြီးတိကိုအနိုင်လိုချင်ရေစိတ်က တခါလေ့ မလျော့ခ။ ဗိုလ်ရာဇာ ထိုင်းဖက်က တခေါက်စီပြန်ရောက်လာကေ စခန်းထဲမှာဟိရေ ပါတီတွင်းလူကြီးတိစွာ နီစရာနီရာမဟိဖြစ်လားရေ။ ကြောက်လို့မဟုတ်။ မတော်တဆ သူကိုသတ်မိဖို့စွာကို စိုးရိမ်လို့ သည်းခံကတ်စွာဖြစ်တေ။ သူ့အလိုကျ ကပ်ဖားလုပ်တေလူတိမှ တစိချေမျက်နှာသာပီးရေ။

စခန်းထဲက ထမင်းစားဝိုင်းတိမှာ ပါတီတွင်းကလူကြီးတိကို ဗိုလ်ရာဇာ မကြာမကြာ ဆဲနီကျစကားလုံး ```လီးစုပ်ကတ်၊ မင်းရို့အမိလင် ရှာထားဖဲသာတိယေ။ လီးစုပ်ကတ် ၀အောင်လီးစုပ်ကတ်´´´။ ကိုယ်သားအရွယ်လောက်ဟိရေ လူငယ်ချေတယောက် ယင်းပိုင်အဆဲခံရရေခါ လူကြီးတိစွာ နီရထိုင်ရ ကောင်းကျပ်လာကတ်တေ။ စိတ်လိုက်မာန်ပါ ထသတ်ဖို့ကလည့် သားတယောက်ပိုင်ချစ်ကတ်တေ။ အခြားတဖက်မှာ သူ့အနားကလူတိကိုလေ့ ကြောက်ရရေ။ ယင်းလူကြီးတိ ဇာနှခါ၊ ဇာနှရက်၊ ဇာလောက် အဆဲခံနိုင်ဖို့လဲ။ နောက်ဆုံးစောက်မြင်ကတ်ပုဒ်မနန့် အယွဲတိုက်ပလိုက်တေခါ စခန်းမှာကင်းစောင့်ဖို့ သနပ်မကျန်ခဖြစ်လားရေ။

ဒေါက်တာခိန်မောင်ကို ဆဲရေစကားလုံး ``အမိကိုလိုးပုဏ္ဏား ၀မ်းလဖားနန့်´´။ မယုံကေ ဒေါက်တာခိန်မောင်ကိုမီးကြည့်လို့ရရေ။ ရှက်လို့ပြောချင့်မှပြောပါလိမ့်မေ။ ယင်းနည်းတူ ဆရာဦးခိန်မောင်ရို့ဆိုက မျက်နှာမှာသွီးတစက်မဟိအောင် အဆဲခံဖူးရေ။ ယင်းပိုင် ပါးစကြမ်းရေပိုင် လက်လေ့အလွန်ကြမ်းရေ၊ ဇရိုက်လေ့ အလွန်ကြမ်းခရေ လူတယောက်ပါရာ။

NUPA ဦးသိန်ဖေရို့အုပ်စု ခွဲထွက်လားရေခါ လူတိုင်းကလက်ညှိုးထိုးကတ်တေ ``သစ္စာဖေါက်လောက်ကောင်တိ´´။ သူရို့ဇာလောက်ခံစားခရလေဆိုစွာကို ကျန်တော်အပါဝင် တယောက်လေ့မသိနိုင်။ဦးသိန်းဖေကို ကောင်းကြောင်းပြောနီစွာ မဟုတ်ပါ။ အဖြစ်မှန်ကို တင်ပြစွာပါ။ နောက်မှာ NUPA လေ့ပြုန်း၊ ဗိုလ်ရာဇာလေ့ဆုံး၊ ဦးသိန်းဖေရို့အုပ်စုလေ့ ဆီးဆုံးလားရေ။
လာပြန်ပျာ ANP ။ ANP က လူတိနှုတ်ထွက်ကတ်တေလတ်။ ဇာဖြစ်လို့နှုတ်ထွက်ကတ်လေချင့်။ အကြောင်းရင်းကို လေ့လာမိရေခါ RNDP က လူဟောင်းတိက ALD ကလူဟောင်းတိကို အသိမှတ်မပြု၊ နိုင်ထက်စီးနင်းလုပ်တေ၊ မလေးမခန့်လုပ်ကတ်တေ။ ယင်းထက်အပြင် ``ထပိန်ရည်သောက်တိ´´ လို့ ယိသတ်သတ်အပြောခံကတ်ရရေ။ မင်းရို့ ဇာလုပ်နိုင်ခလိုလဲဆိုရေ စကားမျိုးတိ အနိုင်ယူကတ်တေ။

ဟုတ်လီဖို့လား ကောင်းမယုံးချင်ဖြစ်မိရေ။ အွင်လိုင်းထက်က ပညာတတ်ပါရေဆိုရေလူကြီးတိ၊ အတွိကြုံအားဖြင့် ရင့်ကျက်ပါရေဆိုရေလူကြီးလူကောင်းတိက ``၀ါကြီးမ ထပိန်နားခိုနီရေ အကောင်တိ´´ လို့ ရွီးကတ်စွာကို တွိရရေ။ သာမာန်လူတိ ဇာလောက်ပြောလီကတ်ဖို့လဲ့ဆိုစွာကို တွေးကြည့်လို့ရရေ။ အပြောခံရရေလူတိ ဇာလောက်ခံစားကတ်ရဖို့လဲ ကိုယ်ချင်းဆာကြည့်။ နှစ်ပေါင်းနှစ်ဆယ်ကျော် သုံးဆယ်နီးပါး ထောင်ကျခံ၊ နှိပ်စက်ခံ၊ သားမယားကွဲခံ၊ အိမ်ထောင်ပျက်ခံ၊ စီးပွားပျက်ခံပြီးကေ အနစ်နာခံလုပ်ခကတ်တေလူတိကို တစိချေလေ့ ကိုယ်ချင်းဆာညှာတာမှု မဟိကတ်။ နိုင်ငံရေးသမားဆိုကေ အဖကိုတောင် အိမ်းတည်းမခံဝံ့ရေအကောင်တိ အေနိခါလက်သီလက်မောင်းတန်းလို့။
စစ်အစိုးရလက်ထက်မှာ မျက်လုံးချေပြူလို့ မကြည့်ဝံ့ရေအကောင်တိ။ ကြီးနိုင်ငယ်ညှင်း´´လီးစုပ်ဖင်ခံ`` လုပ်လာရေအကောင်တိ အေနိခါကုလားကိုဘန်းပြလို့ မျိုးချစ်ပြနီရေ။ မာဏ္ဍာန်းတိုင်တက်ပြနီကတ်တေ။ တည့်ပြောကေ ရိုင်းရေဆိုဖို့။ ကိုယ်ရို့လုပ်ရပ်ကိုလေ့ ပြန်ကြည့်သင့်ရေ။ နှုတ်ထွက်လားရေလူတိကိုကျဲ အပြစ်ဖို့ချနီကတ်တေ။ နှုတ်ထွက်လားအောင်၊ စိတ်ပျက်လားအောင် လုပ်တေလူတိကိုကျကေ သူကောင်းတင်းလို့။ နှုတ်ထွက်လားရေလူတိကို သစ္စာဖေါက်လတ် စွပ်စွဲနီကတ်တေ၊ လက်ညှိုးထိုးနီကတ်တေ။ ညီးညွတ်ရေးကို အကြောင်းပြပြီးကေ ကိုယ့်ကိုကိုယ်သစ္စာဖေါက်နီစွာကို ကြည့်မိကတ်လာ။
ဟုတ်ပျာ။ ဆက်ပြောကေ အေချင်ထက်ကြမ်းလာဖို့....။

.........................
ခိုင်မြသိန်း (ချောင်းသာကြီး)
၂၀၁၅၊ ၀၃၊ ၀၃