ပညာတတ်တိကို ဇာဖြစ်လို့ အမြင်စောင်းလေ ငါ....(၇) (အဆုံးသတ်)

၂၀၀၃ ခုနှစ် နွီရာသီလတလမှာ ဗမာမြန်မာနိုင်ငံဖွဲ့စည်းအုပ်ချုပ်ပုံ ဥပဒေမူကြမ်းတခုကိုရွီးဆွဲဖို့အတွက် New Delhi, Janak Puri ရပ်ကွက်က Asalapur မှာ ဟိရေ Maharaja hall ခန်းမှာ ဗမာမြန်မာနိုင်ငံက ဒီမိုကရေစီလှုပ်ယှားသူတိ စုရုံးရောက်ဟိလာကတ်ပါရေ။ အခန်းနားကို ၁၀ နာရီလောက်မှာ စဖြစ်ကတ်တေ ထင်ပါရေ။ လူဦးရည်က ၃၀၀ နီးပါးလောက် တက်ရောက်ကတ်ပါရေ။ ယင်းအထဲမှာ လူမျိုးအလိုက် ဖွဲ့စည်းပုံဆိုင်ရာဆွေးနွေးမှုတိပါပါရေ။ ကျန်တော်ရို့ရခိုင်လူမျိုးအတွက်က Maharaja Hall ခန်း အထက်ဆုံးခန်းမှာ နီရာရပါရေ။ အခန်းနားကို ဦးဆောင်ဦးရွက်လုပ်သူက ဗိုလ်မှုခိုင်မျိုးမင်း(လက်ဟိ Australia နီသူ) ဖြစ်ပါရေ။ တက်ရောက်ကတ်တေ ရခိုင်အဖွဲ့စည်းတိကလေ့ စုံပါရေ။


ယင်းအခန်းနားကို ခိုင်းအောင်ကျော် (လက်ဟိ New Yourk နီသူ) မိသားစုလေ့ တက်ရောက်ကတ်ပါရေ..။ ကျန်တော်ရို့ AASYC-India ကလေ့ လူစုံတက်စုံ တက်ရောက်ကတ်ပါရေ။ အခန်းနား မစခင်မှာ ကျန်တော်ကဆီးလိပ်သောက်ချင်လို့ ခိုင်အောင်ကျော်ဘက်က မီးဆွဲငှားပါရေ။

``အခင် မီးဆွဲပါပါလာ``

တခွန်းလေ့ ပြန်မပြောဘဲ မျက်စိစိုက်ကြည့်နီပါရေ။ ယင်းနောက်မှာ
``စောက်ပါတ်ကို လိုးသမီးသားချေ`` ဆိုပြီးကေ ကျန်တော့်မျက်နှာကို လက်သီးနန့် အောက်ကပင့်သတ်သတ်လိုက်တေ။ ၀ိုက်လက်သီး၊ ပင့်လက်သီး၊ မိတ်ထောက်သီး စုံလိုပါ။ ကျန်တော်လေ့ နောက်ဆုတ်ပီးလိုက် ခိုင်အောင်ကျော်လေ့ တက်သတ်လိုက်နန့် ကျန်တော်နံရံမှာ မှီကပ်နီပါပျာ။ နောက်ဆုတ်ဖို့နီရာလေ့ မဟိလိုက်ပါပျာ။ လက်ဝဲသမားပီပီ ဒူးငုတ်တိ၊ တမ်းတောင်တိ၊ ခြီနရောင်တိလေ့ ပါလာပါရေ။ ကျန်တော်လေ့ တတ်နိုင်သမျှ ကာခံဖို့ကျပါရေ။

ယင်းဖြစ်နီချိန်မှာ ကျန်တော်ရို့ AASYC အဖွဲ့ဝင် ခိုင်ဇော်ဝင်း၊ မောင်မောင်၊ ALP က ခိုင်စိုးနိုင်၊ ခိုင်ကျော်ထွန်းရို့ ၀င်ဖျိုင်ကတ်ပါရေ။ ကျန်ရေလူတိက အားလုံးဝိုင်ကြည့်နီကတ်ပါရေ။ ကျန်တော်တခုပိုင်လေ့ စဉ်းစားလို့မရပါ။ ဇာဖြစ်လို့ ခိုင်အောင်ကျော် ငါကိုသတ်ရစွာလဲ။ ခိုင်အောင်ဒုက္ခရောက်သမျှ ငါကျဲကူညီခရရေ။ ဇာဖြစ်လို့ သတ်စွာလေ။

ကြားလူဝင်ဖျိုင်လို့ ကွဲလားရေနောက်မှာ ခိုင်အောင်ကျော်သမီးက
``နင့်ပိုင် နွားကျောင်သားကို ခြီမှာပါ မြက်ပင်လောက်လေ့ မမှတ်၊ နင့်ပိုင်နွားကျောင်းသားကို ကြစ်ဖို့စွာကိုထား ထပိန်ဖွတ်ဖို့လေ့ မထည့်။ နင်ရို့ပိုင်ကျွန်းသားတိကို စောက်ထင်လေ့ မကြီး။ိုခြီထောက်ကိုကိုင်လို့ ရှိခိုးတောင်းပန်ကေလေ့ နင်ပိုင်စောက်ရုပ်ကို ခွင့်မလွှတ်`` လတ်။

ခိုင်အောင်ကျော် မယားဖြစ်သူက ``အကျွန်က သီရာသီချင်ပါရေ၊ ယင်းအတွက်နန့် ရခိုင်သားကြား မနီချင်ပါ။ ကောင်းကောင်းရှက်ဖို့ကောင်းပါရေ။```

Maharaja Hall က အောက်ခန်းမှာ ကျင်းပနီရေ ဗမာမြန်မာနိုင်ငံကလာကတ် လူမျိုးပေါင်းစုံတိလေ့ ပြိုင်းပြီးကေ ရပ်ကြည့်နီကတ်ပါရေ..။ ယင်းလောက်လူအုပ်၊ ထိုပြောဒေပြောသံတိကို ကျန်တော်ကြားနိုင်စွမ်း၊ မြင်နိုင်စွမ်း မဟိလိုက်ပါပျာ။ လူအများစုက ကျန်တော်ကိုအပြစ်တင်ကတ်ပါရေ။ ဇာကိုအပြစ်တင်လို့ တင်မှန်းလေ့ ကျန်တော်နားမလည်ပါ။ ကျန်တော်အရှက်လွန်ပြီးကေ အိမ်ပြန်ဖို့ လှည်ကားထစ်ကို လိုက်ရှာလို့ မတွိဖြစ်နီရေခါ ခိုင်စိုးနိုင်နန့် ခိုင်ဇောဝင်ရို့က ကျနတော်ကိုအောက်ကို ခေါ်ချလာကတ်တေ။

အောက်ကိုရောက်တေခါ သူရို့ကိုမီးကြည့်ရေ ``ဇာဖြစ်လို့ ရန်ရှာကတ်စွာလေ အေမိသားစု။``
စိုးနိုင်က ``အကိုတခုလေ့မသိ။ ဖြစ်စွာက အေပိုင် ကုန်ခရေလက RWU စောမြရာဇာလင်းအဖွဲ့က အဖွဲ့ဝင်တယောက်ရောက်လာရေ။ ခိုင်အောင်ကျော်သမီးနန့် ကျောင်နီဖက်။ သူရို့အချင်းချင်း သူငယ်ချင်းတိဖြစ်လို့ နတ်ယောင်ကားခံခလတ်။ `နင်ရို့မှာ ဇာခါယူကတ်ဖို့လဲ။ အယင်းယူပလိုက်ကတ်ဖိ။ ခိုင်အောင်ကျော်သမီးက ပြန်ပြောရေ ငါမှာရဲစားကမဟိ။ ဇာသူနန့်ယူဖို့လဲ ပြန်ဖြေခါ..အူး လိမ်မနီကဲ AASYC ကျောင်းသားခေါင်းဆောင် အခင်စိုးဝင်းနန့် ကြစ်နီကတ်ဆို။ တယောက်က ပြန်မီးရေ AASYC စိုးဝင်းနန့် ကြစ်နီကတ်တေလို့ နင်ကိုအသူပြောလေ။ လိမ်နီပါကဲ ဟိုင်..။ အေကု ယင်းအခင် ဥက္ကဌနန့်စကားပြောနီယင့်ထော` လို့ ဖုန်းဆက်လို့ နတ်ယောင်ခံစွာကို ခိုင်အောင်ကျော်ယောက္ဖဖြစ်သူက ခိုင်အောင်ကျော်ကို လားပြောရေလတ်။ ယင်းအတွက်နန့် ခိုင်အောင်ကျော်က အကိုကို မာန်ပါနီရေ။``

``သီပျာမလားဝေ..။ ခိုင်အောင်ကျော်မိသားကို ငါမမြင်ဖူးသိမ့် ငါ။ သူရို့ရောက်ကတ်စွာ မကြာသိမ့်။ ဖြစ်နိုင်မဖြစ်လေ့ စဉ်းစားဖို့မတတ်ကတ်လား...။ မင်းရို့စဉ်းစားကြည့် အေလောက် လူတပုံရှိမှာ အရှက်ခွဲခံလိုက်ရစွာ ဇာလောက်စိတ်ထိခိုက်ဖို့လဲ...။ အိုကေ အိုကေ မင်းရို့ ပြန်တက်လီကတ်။ ငါအိမ်ပြန်လိုက်ဖို့ယာ....။ အဝေ ခိုင်ဇော်ဝင်း မင်းအဖွဲ့စည်းကိုယ်စားပြု ဆွေးနွေးလီ။ ငါပြောခရေဆို သန်းမောင်ကို ဟုတ်လာ။ နောက်ထပ်ပြသနာ မတက်စီကဲ့နန်း......``

ကျန်တော်အိမ်ပြန်လာလိုက်တေ။ နောက်ပိုင်းလေ့လာချက်အရ ခိုင်အောင်ကျော်သမီးမှာ စစ်တွေတက္ကသိုလ်မှာ ကျောင်းပြီးခရေလို့ သိရပါရေ။ အမျိုးသမီးချေတယောက် အေလောက်ထိ လူတပုံရှိမှာရိုင်းပြ၀ံ့စွာကို ချီးကျူးမိပါရေ။

ကျမ်းမာချမ်းသာကတ်ပါစီ
ခိုင်မြသိန်း (ချောင်းသာကြီး)
၀၆၊ ၀၄၊ ၂၀၁၄